हनुमान चालीसा

॥दोहा॥

श्रीगुरु चरन सरोज रज निज मनु मुकुरु सुधारि ।
बरनउँ रघुबर बिमल जसु जो दायकु फल चारि ॥
बुद्धिहीन तनु जानिके सुमिरौं पवन-कुमार ।
बल बुधि बिद्या देहु मोहिं हरहु कलेस बिकार ॥

॥चौपाई॥

जय हनुमान ज्ञान गुन सागर ।
जय कपीस तिहुँ लोक उजागर ॥१॥

राम दूत अतुलित बल धामा ।
अञ्जनि-पुत्र पवनसुत नामा ॥२॥

महाबीर बिक्रम बजरङ्गी ।
कुमति निवार सुमति के सङ्गी ॥३॥

कञ्चन बरन बिराज सुबेसा ।
कानन कुण्डल कुञ्चित केसा ॥४॥

हाथ बज्र औ ध्वजा बिराजै ।
काँधे मूँज जनेउ साजै ॥५॥

शंकर सुवन केसरीनन्दन ।
तेज प्रताप महा जग बन्दन ॥६॥

बिद्यावान गुनी अति चातुर ।
राम काज करिबे को आतुर ॥७॥

प्रभु चरित्र सुनिबे को रसिया ।
राम लखन सीता मन बसिया ॥८॥

सूक्ष्म रूप धरि सियहिं दिखावा ।
बिकट रूप धरि लङ्क जरावा ॥९॥

भीम रूप धरि असुर सँहारे ।
रामचन्द्र के काज सँवारे ॥१०॥

लाय सञ्जीवन लखन जियाये ।
श्रीरघुबीर हरषि उर लाये ॥११॥

रघुपति कीह्नी बहुत बड़ाई ।
तुम मम प्रिय भरतहि सम भाई ॥१२॥

सहस बदन तुह्मारो जस गावैं ।
अस कहि श्रीपति कण्ठ लगावैं ॥१३॥

सनकादिक ब्रह्मादि मुनीसा ।
नारद सारद सहित अहीसा ॥१४॥

जम कुबेर दिगपाल जहाँ ते ।
कबि कोबिद कहि सके कहाँ ते ॥१५॥

तुम उपकार सुग्रीवहिं कीह्ना ।
राम मिलाय राज पद दीह्ना ॥१६॥

तुह्मरो मन्त्र बिभीषन माना ।
लङ्केस्वर भए सब जग जाना ॥१७॥

जुग सहस्र जोजन पर भानु ।
लील्यो ताहि मधुर फल जानू ॥१८॥

प्रभु मुद्रिका मेलि मुख माहीं ।
जलधि लाँघि गये अचरज नाहीं ॥१९॥

दुर्गम काज जगत के जेते ।
सुगम अनुग्रह तुह्मरे तेते ॥२०॥

राम दुआरे तुम रखवारे ।
होत न आज्ञा बिनु पैसारे ॥२१॥

सब सुख लहै तुह्मारी सरना ।
तुम रच्छक काहू को डर ना ॥२२॥

आपन तेज सह्मारो आपै ।
तीनों लोक हाँक तें काँपै ॥२३॥

भूत पिसाच निकट नहिं आवै ।
महाबीर जब नाम सुनावै ॥२४॥

नासै रोग हरै सब पीरा ।
जपत निरन्तर हनुमत बीरा ॥२५॥

सङ्कट तें हनुमान छुड़ावै ।
मन क्रम बचन ध्यान जो लावै ॥२६॥

सब पर राम तपस्वी राजा ।
तिन के काज सकल तुम साजा ॥२७॥

और मनोरथ जो कोई लावै ।
सोई अमित जीवन फल पावै ॥२८॥

चारों जुग परताप तुह्मारा ।
है परसिद्ध जगत उजियारा ॥२९॥

साधु सन्त के तुम रखवारे ।
असुर निकन्दन राम दुलारे ॥३०॥

अष्टसिद्धि नौ निधि के दाता ।
अस बर दीन जानकी माता ॥३१॥

राम रसायन तुह्मरे पासा ।
सदा रहो रघुपति के दासा ॥३२॥

तुह्मरे भजन राम को पावै ।
जनम जनम के दुख बिसरावै ॥३३॥

अन्त काल रघुबर पुर जाई ।
जहाँ जन्म हरिभक्त कहाई ॥३४॥

और देवता चित्त न धरई ।
हनुमत सेइ सर्ब सुख करई ॥३५॥

सङ्कट कटै मिटै सब पीरा ।
जो सुमिरै हनुमत बलबीरा ॥३६॥

जय जय जय हनुमान गोसाईं ।
कृपा करहु गुरुदेव की नाईं ॥३७॥

जो सत बार पाठ कर कोई ।
छूटहि बन्दि महा सुख होई ॥३८॥

जो यह पढ़ै हनुमान चालीसा ।
होय सिद्धि साखी गौरीसा ॥३९॥

तुलसीदास सदा हरि चेरा ।
कीजै नाथ हृदय महँ डेरा ॥४०॥

॥दोहा॥

पवनतनय सङ्कट हरन मङ्गल मूरति रूप ।
राम लखन सीता सहित हृदय बसहु सुर भूप ॥


Hanuman Chalisa

॥ Doha ॥

Shri Guru Charan Sarooja-raj Nija manu Mukura Sudhaari ।
Baranau Rahubhara Bimala Yasha Jo Dayaka Phala Chari ॥
Budhee-Heen Thanu Jannikay Sumirow Pavana Kumara ।
Bala-Budhee Vidya Dehoo Mohee Harahu Kalesha Vikaara ॥

॥ Chopai ॥

Jai Hanuman gyan gun sagar ।
Jai Kapis tihun lok ujagar ॥1 ॥

Ram doot atulit bal dhama ।
Anjaani-putra Pavan sut nama ॥2 ॥

Mahabir Bikram Bajrangi ।
Kumati nivar sumati Ke sangi ॥3 ॥

Kanchan varan viraj subesa ।
Kanan Kundal Kunchit Kesha ॥4 ॥

Hath Vajra Aur Dhuvaje Viraje ।
Kaandhe moonj janehu sajai ॥5 ॥

Sankar suvan kesri Nandan ।
Tej prataap maha jag vandan ॥6 ॥

Vidyavaan guni ati chatur ।
Ram kaj karibe ko aatur ॥7 ॥

Prabu charitra sunibe-ko rasiya ।
Ram Lakhan Sita man Basiya ॥8 ॥

Sukshma roop dhari Siyahi dikhava ।
Vikat roop dhari lank jarava ॥9 ॥

Bhima roop dhari asur sanghare ।
Ramachandra ke kaj sanvare ॥10 ॥

Laye Sanjivan Lakhan Jiyaye ।
Shri Raghuvir Harashi ur laye ॥11 ॥

Raghupati Kinhi bahut badai ।
Tum mam priye Bharat-hi-sam bhai ॥12 ॥

Sahas badan tumharo yash gaave ।
Asa-kahi Shripati kanth lagaave ॥13 ॥

Sankadhik Brahmaadi Muneesa ।
Narad-Sarad sahit Aheesa ॥14 ॥

Yam Kuber Digpaal Jahan te ।
Kavi kovid kahi sake kahan te ॥15 ॥

Tum upkar Sugreevahin keenha
Ram milaye rajpad deenha ॥16 ॥

Tumharo mantra Vibheeshan maana ।
Lankeshwar Bhaye Sub jag jana ॥17 ॥

Yug sahastra jojan par Bhanu ।
Leelyo tahi madhur phal janu ॥18 ॥

Prabhu mudrika meli mukh mahee ।
Jaladhi langhi gaye achraj nahee ॥19 ॥

Durgaam kaj jagath ke jete ।
Sugam anugraha tumhre tete ॥20 ॥

Ram dwaare tum rakhvare ।
Hoat na agya binu paisare ॥21 ॥

Sub sukh lahae tumhari sar na ।
Tum rakshak kahu ko dar naa ॥22 ॥

Aapan tej samharo aapai ।
Teenhon lok hank te kanpai ॥23 ॥

Bhoot pisaach Nikat nahin aavai ।
Mahavir jab naam sunavae ॥24 ॥

Nase rog harae sab peera ।
Japat nirantar Hanumant beera ॥25 ॥

Sankat se Hanuman chudavae ।
Man Karam Vachan dyan jo lavai ॥26 ॥

Sab par Ram tapasvee raja ।
Tin ke kaj sakal Tum saja ॥27 ॥

Aur manorath jo koi lavai ।
Sohi amit jeevan phal pavai ॥28 ॥

Charon Yug partap tumhara ।
Hai persidh jagat ujiyara ॥29 ॥

Sadhu Sant ke tum Rakhware ।
Asur nikandan Ram dulhare ॥30 ॥

Ashta-sidhi nav nidhi ke dhata ।
As-var deen Janki mata ॥31 ॥

Ram rasayan tumhare pasa ।
Sada raho Raghupati ke dasa ॥32 ॥

Tumhare bhajan Ram ko pavai ।
Janam-janam ke dukh bisraavai ॥33 ॥

Anth-kaal Raghuvir pur jayee ।
Jahan janam Hari-Bakht Kahayee ॥34 ॥

Aur Devta Chit na dharehi ।
Hanumanth se hi sarve sukh karehi ॥35 ॥

Sankat kate-mite sab peera ।
Jo sumirai Hanumat Balbeera ॥36 ॥

Jai Jai Jai Hanuman Gosahin ।
Kripa Karahu Gurudev ki nyahin ॥37 ॥

Jo sat bar path kare kohi ।
Chutehi bandhi maha sukh hohi ॥38 ॥

Jo yah padhe Hanuman Chalisa ।
Hoye siddhi sakhi Gaureesa ॥39 ॥

Tulsidas sada hari chera ।
Keejai Nath Hridaye mein dera ॥40 ॥

॥ Doha ॥

Pavan Tanay Sankat Harana ।
Mangala Murati Roop ॥
Ram Lakhana Sita Sahita ।
Hriday Basahu Soor Bhoop ॥

 

 

Leave a Reply

Your email address will not be published. Required fields are marked *